मारेगाव – भारतीय कम्युनिस्ट पक्ष (भाकप) यवतमाळ जिल्हा कौंसिलची बैठक 9 फेब्रुवारी रोजी मारेगाव येथे पार पडली. किसान सभेचे राज्य कौंसिलर गुलाबराव उमरतकर अध्यक्षस्थानी होते, तर अनिल हेपट आणि हिम्मतराव पाटमासे यांनी मार्गदर्शन केले.
बैठकीत जिल्हा सचिव अनिल घाटे यांनी राज्याचा अहवाल सादर केला व जिल्ह्यातील सभासद नोंदणीचा आढावा घेण्यात आला. उर्वरित सभासद नोंदणी 15 फेब्रुवारीपर्यंत जमा करण्याचे ठरले. तसेच 28 फेब्रुवारीपर्यंत पक्ष शाखा परिषदा पूर्ण करण्याचा निर्णय घेतला.
शेतकऱ्यांच्या कापसाला योग्य दर मिळत नसल्याने एप्रिलमध्ये वणी येथे राज्यव्यापी कापूस उत्पादक परिषद आयोजित करण्याचा निर्णय झाला. बैठकीस जिल्ह्यातील विविध तालुक्यांतील पदाधिकारी उपस्थित होते.
