▪️ मादगी, मोची, मादरू, मादिगा महासंघाची तात्काळ सेवा पुर्वरत करण्याची मागणी…
वणी:- गेल्या काही महिन्यांपासून तहसील परिसरातील सेतू बंद स्थितीत असून सदर सेतु बंद असल्याने त्याची सेवा पूर्वरत करावी अशा मागणीचे निवेदन मोची, मादगी, मादरू, मादीगा महासंघाकडून उपविभागीय अधिकारी वणी यांना दि. १७ ला निवेदनातून केली आहे.
वणी तहसिल कार्यालय परिसर मधील सेतु सुविधा केंन्द्र गेल्या दोन महिण्यांपासुन बंद असुन अनेक नागरीक या सेतु सुविधा केंद्रातुन सेवा घेत होते. सदर सेतु ची सुविधा ही चांगली व प्रामाणिक होती. यामध्ये अनेक प्रकारचे कागदपत्र त्यांना या सेतु सुविधा केंद्रातुन मिळत होते. परंतु गेल्या दोन महिण्यापासुन सदर सेतु सुविधा केंद्र बंद असल्यामुळे ग्रामिण व शहरी भागातील नागरीकांना तहसिल कार्यालयातील शासकीय कागदपत्रे काढण्याकरीता मोठा नाहक त्रास सहन करावा लागत असुन काही नागरीकांना आल्या पावलीच परत जावे लागत आहे. त्यामुळे त्यांना आर्थिक भुर्दंड सहन करावा लागत आहे.
तरी नागरीकांची समस्या लक्षात घेवुन तहसिल कार्यालय परिसरातील सेतु सुविधा केंद्र तात्काळ सुरू करून नागरीकांना न्याय दयावा अशा मागणीचे निवेदन मोची, मादगी, मादरू, मादीगा महासंघाकडून उपविभागीय अधिकारी वणी यांना दि. १७ ला देण्यात आले यावेळी नत्थुजी नगराळे, सुरज चाटे, किशोर मंनथंवार, सदाशिव मंगळपवार, विजय आडराने, रीतिक मामिळवार, विशाल मामिडवार, प्रमोद मंथंनवार, प्रेम कोमलवार, रवी कोमलवार, सचिन चाटे आदी उपस्थित होते.
