वणी – यवतमाळ ग्रंथोत्सव 2024 अंतर्गत विविध कार्यक्रमांचे आयोजन करण्यात आले. यामध्ये ग्रंथालय क्षेत्रातील उत्कृष्ट योगदानासाठी पुरस्कार व सत्कार सोहळा पार पडला.
“तालुका उत्कृष्ट ग्रंथपाल” म्हणून नगर वाचनालय, वणी येथील ग्रंथपाल देवेंद्र भाजीपाले यांना तर “वणी तालुका उत्कृष्ट ग्रंथपाल” म्हणून क्रांतिज्योती सावित्रीबाई फुले सार्वजनिक वाचनालय, वणी येथील ग्रंथपाल शुभम कडू यांना सन्मानित करण्यात आले.
या कार्यक्रमात पालकमंत्री संजय राठोड यांनी ग्रंथालयांच्या समस्या सोडवण्याचे आश्वासन दिले. देवेंद्र भाजीपाले यांनी त्यांच्या मार्गदर्शन भूमिकेचा उल्लेख केला, तर शुभम कडू यांनी वाचनालयातील सेवेत असलेली निष्ठा व्यक्त केली. या दोघांचा सत्कार झाल्याने त्यांच्यावर अभिनंदनाचा वर्षाव होत आहे.
