वणी : शहरातील सामान्य नागरिकांना घर बांधण्यासाठी रेती मिळवणे कठीण झाले आहे, कारण अधिकृत रेती घाट बंद असल्यामुळे शहरात अवैध रेती तस्करी मोठ्या प्रमाणावर सुरू आहे. शहरात श्रीमंतांच्या ले-आउट आणि कॉलण्यांमध्ये अवैध रेती मोठ्या ट्रकांनी टाकली जात आहे. काही ठिकाणीसुद्धा रेती रात्री रस्त्यावरील टाकल्या गेली आहे. शहरात सीसीटीव्ही कॅमेरे बसवले असतानाही, तस्करी चालूच आहे.
वणी विधानसभा क्षेत्रातील सिमा लागतच्या नदीतून रात्री रेती उत्खनन केल्यामुळे नदीच्या पाण्याची पातळी कमी होण्याची शक्यता आहे, ज्यामुळे तालुक्यात दुष्काळाची परिस्थिती निर्माण होऊ शकते. स्थानिक प्रशासनाच्या दुर्लक्षामुळे ही तस्करी वाढली आहे, आणि सामान्य नागरिकांना रेती मिळवणे कठीण झाले आहे. या रेती तस्कर कुंभकर्णावर कारवाई होईल का?
राजकारण्यांशी संगनमत करून तस्कर रेती साठवून ती जास्त दराने विकत आहेत. प्रशासनाला अवैध रेती तस्करीवर कारवाई करण्याची आणि नदीतील साठवलेली रेती जप्त करून नदीत सोडण्याची मागणी सामान्य नागरिकांकडून केली जात आहे.
हे पाहा: ले-आउट आणि कॉलण्यांमधील अवैध रेतीचे छायाचित्र..👇👇
