वर्धा येथे : 25 ते 27 एप्रिल 2025 दरम्यान आयोजित “नृत्योत्सव-3” या अखिल भारतीय राष्ट्रीय नृत्य स्पर्धेत वणीतील बालकलाकारांनी आपल्या अप्रतिम सादरीकरणाने वणीचे नाव उज्वल केले. कु. भार्गवी महाजन, युक्ता सहारकर, क्रीष्मा चाणना आणि दिशा केशवाणी यांनी द्वितीय क्रमांक पटकावला, तर कु. उर्वी बांगडे, सिया व मुग्धा डोर्लीकर, सिद्धी कोंडावार, ध्रुवीया रासेकर आणि आरुश पांडे यांनी तृतीय क्रमांक पटकावला.
नृत्य प्रशिक्षिका कु. पूजा धनवटे यांचा “गुरुरत्न पुरस्कार” देऊन विशेष गौरव करण्यात आला. या यशस्वी कामगिरीचे श्रेय स्पर्धकांनी पालक, गुरुजन आणि विशेषतः त्यांच्या नृत्यगुरुंना दिले आहे. वणीतील चमूचे हे यश गावासाठी अभिमानास्पद ठरले आहे.
