माहीम (प्रतिनिधी) : जागतिक किर्तीचे सुप्रसिद्ध बालरोगतज्ज्ञ डॉ. मोहन जोशी यांच्या शुभहस्ते आज माहीमच्या भागोजी कीर मार्गावरील अॅड. देसाई मैदानात झेंडावंदन कार्यक्रम पार पडला. या कार्यक्रमाचे औचित्य साधून एम.सी. मार्गाजवळील महापालिका शाळा, क्रीडांगण, उद्यान व इस्पितळांचे भूखंड वाचवण्याची भावना व्यक्त करण्यात आली.
या प्रसंगी माहीम परिसरातील नागरिक व सामाजिक कार्यकर्त्यांची मोठ्या संख्येने उपस्थिती होती. नागरिकांनी एकत्रितपणे शाळा, खेळाची मैदाने व आरोग्यविषयक सुविधा टिकवण्यासाठी संघर्ष करण्याचा निर्धार व्यक्त केला.
