वणी (प्रतिनिधी): वणी नगरपरिषद निवडणुकीत प्रभाग क्र. ५ मधील दामले नगर येथील शाळा क्र. ९ मतदान केंद्रावर मतदानाला उत्साहपूर्ण प्रतिसाद मिळत आहे. येथे खोली क्र. १ मध्ये ३९५ तर खोली क्र. २ मध्ये ४०२ मतदारांनी मतदानाचा हक्क बजावला असून, दुपारी सुमारे ३ वाजेपर्यंत ही आकडेवारी नोंदवली गेली आहे. या प्रभागात दामले नगर, काही ग्रामीण भाग तसेच काही तेली फैल परिसर यांचा समावेश आहे.
दरम्यान, मतदान केंद्र परिसरात मतदारांची वाढती गर्दी दिसत असून वातावरण अधिकच तापत आहे. पुरुष गटातील उमेदवार संदीप खोब्रागडे यांच्या बाजूने वातावरण जोरदार फिरताना दिसत आहे. केंद्राबाहेर त्यांच्या समर्थकांची लक्षणीय उपस्थिती जाणवत असून, मतदारांमध्ये त्यांच्या नावाची जोरदार चर्चा सुरू आहे.
स्थानिकांच्या चर्चांनुसार, प्रभागात खोब्रागडे यांना आघाडीचे संकेत मिळत असल्याचे अनुमान व्यक्त केले जात आहे. वाढत्या जनसमर्थनामुळे विरोधकांचा उत्साह कमी होत चालल्याची कुजबुजही परिसरात रंगू लागली आहे.
