वणी (प्रतिनिधी) – भालर येथील वेकोलि रेस्ट हाऊसमध्ये दि. 18 जून रोजी झालेल्या बैठकीत जिल्हाधिकारी विकास मिना यांनी उकणी येथील उर्वरित जमिनीचे त्वरीत संपादन करून संपूर्ण पुनर्वसन प्रक्रिया पूर्ण करण्याच्या स्पष्ट सूचना वेकोलि अधिकाऱ्यांना दिल्या.
बैठकीत खा. प्रतिभा धानोरकर यांनी खाणींशी संबंधित विविध प्रश्न आक्रमकपणे मांडले. कोलारपिंपरी व वणी नॉर्थ प्रकल्पातील अधिग्रहित जमिनींचा मोबदला न मिळाल्याच्या तक्रारींवर जिल्हाधिकाऱ्यांनी तत्काळ चौकशी करून मोबदला वितरित करण्याचे आदेश दिले.
या बैठकीस वरिष्ठ प्रशासन अधिकारी, वेकोलि क्षेत्रीय अधिकारी व संजय खाडे यांच्यासह अनेक गावकरी मोठ्या संख्येने उपस्थित होते.
