▪️वणी विधानसभा क्षेत्रात कार्यकर्त्यांमध्ये उत्साहाचे वातावरण..
वणी (प्रतिनिधी) – महाराष्ट्र काँग्रेसच्या नव्या प्रदेश कार्यकारिणीत वणी विधानसभा क्षेत्रातील काँग्रेसचे जेष्ठ नेते व जिल्हा सरचिटणीस संजय रामचंद्र खाडे यांची प्रदेश सचिवपदी नियुक्ती करण्यात आली आहे. प्रदेशाध्यक्ष हर्षवर्धन सपकाळ यांच्या नेतृत्वाखालील कार्यकारिणीवर राजधानी दिल्लीत शिक्कामोर्तब करण्यात आले.
संजय खाडे यांनी पक्षाच्या विश्वासाबद्दल आभार मानत, “काँग्रेसचे विचार तळागाळापर्यंत पोहोचवण्याचा आणि पक्ष वाढीसाठी सतत प्रयत्नशील राहण्याचा निर्धार” व्यक्त केला आहे.
रस्त्यावर उतरून कार्य करणारे खरे कार्यकर्ते म्हणून ओळख असलेल्या खाडे यांच्या निवडीमुळे वणीसह संपूर्ण विधानसभा क्षेत्रात काँग्रेस कार्यकर्त्यांमध्ये नवा जोश व प्रेरणा संचारली आहे.
