वणी/यवतमाळ (प्रतिनिधी): मतदार यादीतील घोटाळ्याविरोधात काँग्रेसतर्फे यवतमाळ येथे दि. १४ ऑगस्ट रोजी भव्य मशाल मोर्चाचे आयोजन करण्यात आले. या मोर्चात “मतदान चोर, खुर्ची सोड” अशा घोषणांनी संपूर्ण परिसर दुमदुमून गेला.
मोर्चामध्ये जिल्ह्यातील विविध भागातून आलेले कार्यकर्ते मोठ्या संख्येने सहभागी झाले. काँग्रेसने मतचोरीविरोधात तीव्र भूमिका घेतली असून हे आंदोलन जिल्ह्यात सर्वत्र पेटणार असल्याचे काँग्रेस नेत्यांनी स्पष्ट केले.
या मोर्चात कांग्रेस पक्षाचे माजी शिक्षण मंत्री प्रा. वसंत पुरके, माजी मंत्री माणिकराव ठाकरे, माजी मंत्री शिवाजीराव मोघे, आमदार बाळासाहेब मांगुळकर,काँग्रेस नेते संजय खाडे जि.कॉ. क. अध्यक्ष प्रफुल मानकर, राजीव गांधी पंचायतराज चे प्रदेश अध्यक्ष संजय ठाकरे, जितेंद्र मोघे, राहुल ठाकरे व काँग्रेसचे सर्व पदाधिकारी व युवा नेते मोठ्या संख्येने उपस्थित होते.
