वणी (प्रतिनिधी) : वणी ग्रामीण रुग्णालय परिसरात मोठ्या प्रमाणावर घाणीचे साम्राज्य निर्माण झाले असून भरती रुग्णांच्या आरोग्यास गंभीर धोका निर्माण झाला आहे. समाजिक कार्यकर्ते नारायण गोडे यांनी रुग्णालयाच्या मागील परिसराची पाहणी करून या समस्येकडे लक्ष वेधले.
गोडे यांनी आरोप केला की, वणी मतदारसंघातील खनिज संपत्ती बाहेर नेली जाते, मात्र स्थानिक नागरिकांसाठी आवश्यक आरोग्य सुविधा मात्र दुर्लक्षित राहतात. उभारलेले रुग्णालयच आज घाणीच्या विळख्यात सापडले आहे.
रुग्णालयकडे अधिकाऱ्यांचे लक्ष नसून रुग्णालय परिसरात वारंवार जनावरे मरून पडलेली दिसतात व सामाजिक कार्यकर्तेना नगरपालिकेकडे तक्रार करावी लागते, अशीही टीका त्यांनी केली. ट्रॉमा केअर सेंटरसह रुग्णालयातील अनेक सुविधा अपुऱ्या असून, त्यामुळे अनेक रुग्णांचे जीव गमावले गेले असल्याचे त्यांनी सांगितले.
शहरातील जनता कर भरते, मात्र सोयीसुविधांमध्ये कोणताही बदल दिसत नाही. “शहराच्या कार्यलय विभागात मोठमोठे अधिकारी येतात-जातात, पण जबाबदारीने कोणीही काम करत नाही. निष्काळजीपणा व बोगस कामांमुळे जनतेला वेठीस धरले जात आहे,” असा आरोप अनेकदा समाजिक कार्यकर्त्यांनी केला.
स्थानिक नागरिक व रुग्ण यांच्या वतीने आरोग्य विभाग व प्रशासनाने तात्काळ लक्ष घालून स्वच्छतेसह सोयीसुविधा उपलब्ध कराव्यात, अशी जोरदार मागणी होत आहे.
