वणी (प्रतिनिधी) : लॉयन्स क्लब वणी व वणी लॉयन्स चॅरिटेबल ट्रस्ट, नॉर्थ नागपूर चॅप्टर-मेनोपॉज सोसायटी नागपूर व असोसिएशन ऑफ सर्जन्स नागपूर यांच्या संयुक्त विद्यमाने निःशुल्क स्त्री कॅन्सर तपासणी व निदान शिबीर आयोजित करण्यात आले आहे.
हे शिबीर येत्या रविवार, दि. १४ सप्टेंबर २०२५ रोजी सकाळी १० ते दुपारी ३ वाजेपर्यंत लॉयन्स इंग्लिश मिडीयम स्कूल, देशमुखवाडी, वणी येथे होणार आहे. शिबीराचे उद्घाटन सकाळी ८.३० वाजता करण्यात येईल.
या शिबिरामध्ये नागपूर येथील तज्ञ डॉक्टरांचा सहभाग असून महिलांशी संबंधित विविध आजारांची निःशुल्क तपासणी, निदान व मार्गदर्शन केले जाणार आहे.
शिबिरासाठी येणारे तज्ञ डॉक्टर:
डॉ. निर्मला वझ्रे, डॉ. पारुल सावनी, डॉ. प्राची उईके, डॉ. वैष्णवी वानखेडे, डॉ. उज्ज्वला देशमुख, डॉ. विद्या सुतवणे, डॉ. नेहा मल्लगवार, डॉ. नूतन आंबेकर, डॉ. निलम पुनियानी, डॉ. भावना पांडा.
शिबिराचा लाभ घेण्यासाठी इच्छुक महिलांनी वेळेत उपस्थित राहावे, असे आयोजकांच्या वतीने आवाहन करण्यात आले आहे.
नोंदणी संपर्क:
मो. 9049851616 / 7378576008
