वणी (प्रतिनिधी) : भीम टायगर सेना, वणी तालुका यांच्या वतीने डॉ. बाबासाहेब आंबेडकर यांच्या १३५ व्या जयंतीनिमित्त विविध कार्यक्रमांचे आयोजन करण्यात आले आहे.
या निमित्ताने दि. १३ एप्रिल २०२६ रोजी सायंकाळी ६ वाजता डॉ. बाबासाहेब आंबेडकर चौक येथे भव्य भीम गीतांचा कार्यक्रम तसेच विविध क्षेत्रात उल्लेखनीय कार्य करणाऱ्या मान्यवरांचा सत्कार सोहळा आयोजित करण्यात आला आहे.
त्यानंतर रात्री ११:५९ वाजता केक कापून डॉ. बाबासाहेब आंबेडकर यांची जयंती साजरी करून त्यांना अभिवादन करण्यात येणार आहे.
दि. १४ एप्रिल २०२६ रोजी सकाळी ११ वाजता बस स्टँड समोर, वणी येथे धर्मभोजन आयोजित करण्यात आले आहे. तसेच सायंकाळी ६:३० वाजता सर्व रॅलीचे भव्य स्वागत व सत्कार डॉ. बाबासाहेब आंबेडकर चौक येथे करण्यात येणार आहे.
या सर्व कार्यक्रमांना नागरिकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांच्या वतीने करण्यात आले आहे.
