वणी – वणी येथील एम.एस.ई.डी.सी.एल मीटर रीडर कंत्राटी कामगार संघटनेच्या वतीने दि.२७ जानेवारी रोजी,वणी उप कार्यकारी अभियंता यांना निवेदन देण्यात आले
१ फेब्रुवारीपासून मीटर रीडिंग व वीज बिल वाटपाचे काम बंद आंदोलन सुरू करण्याचा निर्णय घेण्यात आला असुन
राज्यात फॉल्टी मीटरच्या जागी स्मार्ट (प्रीपेड) मीटर बसवण्याचे काम सुरू असून, यामुळे मीटर रीडिंग व बिल वाटप करणाऱ्या कामगारांवर बेरोजगारीचे संकट उभे राहिले आहे. संघटनेने शासन व महावितरणकडे वारंवार मागणी केली आहे की, स्मार्ट मीटर बसवल्यानंतरही या कामगारांना ६० वर्षांपर्यंत रोजगाराची हमी द्यावी.
नागपूरच्या हिवाळी अधिवेशनात ऊर्जा सचिवांना निवेदन देण्यात आले होते, तसेच चर्चा करण्याचे आश्वासनही मिळाले होते. मात्र, एक महिना उलटूनही कोणतीही चर्चा झाली नाही, त्यामुळे संघटनेला काम बंद आंदोलनाचा निर्णय घ्यावा लागला.
संघटनेने स्पष्ट केले आहे की, महावितरणने चर्चेअंती कामगारांच्या भविष्याची शाश्वती दिली नाही, तर काम बंद आंदोलन सुरूच राहील. त्यामुळे होणाऱ्या आर्थिक नुकसानीस संघटनेला जबाबदार धरू नये.
यावेळी गणेश मोहितकर, सुधीर दूधलकर, राहुल महाकुलकर,सुनिल धांडे,राजु राखुंडे, सुहास मोवाडे,प्रसाद घरात,मंगेश ज़िरेकर, शंकर गोरकर, देवा भोस्कर यांसह अनेक कामगार उपस्थित होते.
