वणी (प्रतिनिधी): वणी शहरातील स्वप्नील किशोर राऊत (वय २६, रा. रंगनाथनगर) या युवकाची अनैतिक संबंधातून निर्घृण हत्या करण्यात आली होती. घटनेनंतर अवघ्या काही तासांत वणी पोलिसांनी तपासाचा छडा लावत दोन आरोपींना अटक केली आहे.
अटक आरोपी —
1️⃣ सुमेश रमेश टेकाम (वय २४, रा. वडजापूर)
2️⃣ सौरभ मारोती आत्रम (वय २७, रा. वडजापूर)
पोलिसांनी सीसीटीव्ही फुटेज, तांत्रिक पुरावे आणि साक्षांच्या आधारे आरोपींना पकडले. चौकशीत दोघांनी अनैतिक संबंधाच्या वादातून हत्या केल्याची कबुली दिली.
या प्रकरणाचा तपास पो.उप.नि. सुदाम आसोरे करीत असून वणी पोलिसांच्या तत्काळ कारवाईमुळे या हत्येचा उलगडा झाला आहे.
