वणी (प्रतिनिधी): दि. १४ ऑक्टोबर रोजी अचलपूर आणि चांदूरबाजार तालुक्यातील जिल्हा परिषद, पंचायत समिती तसेच नगरपालिका निवडणुकांच्या पार्श्वभूमीवर काँग्रेस पक्षाची पूर्वतयारी बैठक उत्साहात पार पडली.
या बैठकीत अचलपूर विधानसभा प्रभारी संजय खाडे यांनी निरीक्षकांच्या भूमिकेतून मार्गदर्शन केले. पक्ष संघटन मजबूत करण्यासोबतच आगामी निवडणुकांसाठी धोरणात्मक आराखडा तयार करण्यावर विशेष भर देण्यात आला.
बैठकीस काँग्रेसचे सर्व पदाधिकारी, नेते आणि कार्यकर्ते मोठ्या संख्येने उपस्थित राहिले. स्थानिक पातळीवरील समन्वय, प्रचार धोरण आणि जनसंपर्क मोहिमेवर सविस्तर चर्चा झाली.
कार्यकर्त्यांचा उत्स्फूर्त सहभाग आणि प्रतिसाद पाहता पक्षात नवचैतन्य व ऊर्जा निर्माण झाल्याचे वातावरण दिसून आले.
