येथील डॉ. बाबासाहेब आंबेडकर पुतळयालगत असलेल्या संविधान प्रतिकृतीची झालेल्या तोडफोडीचा समस्त आंबेडकरी व संविधानवादी भारतीयांनी निषेध व्यक्त केला. यावेळी तेथील सोमनाथ सुर्यवंशी या भिमसैनिकाला दगडफेकीचा आरोपी करुन पोलीस कोठडीत डांबून बेघम मारहाण करण्यांत आली.
या मारहाणीत सोमनाथ सुर्यवंशी या भिमसैनिकाचा पोलीस कोठडीतच मृत्यू झाला. तसेच केंद्रीय गृहमत्री अमित शाह यांनी डॉ. बाबासाहेब आंबेडकर यांचेबाबत भर संसदेत बेजबाबदारपणाचे वक्तव्य केले. या दोन्ही घटनेचा निषेध नोंदविण्यासाठी संविधान जागर सन्मान मंच, वणीच्या वतीने डॉ. बाबासाहेब आंबेडकर चौक, वणी येथे दि. २१ डिसेंबर रोजी, धरणे आंदोलनाचे आयोजन केले. असून सदर धरणे आंदोलनात आंबेडकरवादी व संविधानवादी भारतीयांनी आवर्जून उपस्थित राहावे. असे आवाहन संविधान जागर सन्मान मंच, वणीच्या वतीने करण्यांत आले आहे.
