आज, 22 जानेवारी 2025 रोजी वणी येथील ग्रामीण रुग्णालय आणि ट्रॉमा केअर युनिट यांना एकत्र जोडण्याची मागणी करण्यात आली. अपघातांमुळे गंभीर जखमी रुग्णांना वेळेत उपचार मिळत नसल्याने रक्तसाठा युनिटचीही तातडीने आवश्यकता व्यक्त करण्यात आली आहे. वणीपासून चंद्रपूर (70 किमी), यवतमाळ (120 किमी) आणि नागपूर (130 किमी) दूर असल्याने उपचारात विलंब होतो, परिणामी रुग्णांचा मृत्यू होतो.
या मागणीवर त्वरित कार्यवाही न झाल्यास तीव्र आंदोलन छेडण्याचा इशारा देत निःस्वार्थ सेवा रक्तदान व सामाजिक संघटनांनी महाराष्ट्राच्या मुख्यमंत्र्यांना निवेदन दिले. या निवेदनासाठी अमोल धानोरकर, राज चौधरी, विक्की बापावार विलास आवारी. पवन बुरान, निकेश होले ,विनोद इंगळे, योगेश आवारी ,अनिल रेभे , गौरव . हितेश गोडे. गोविंदा नरपांडे. बंटी प्रेमकुंठावार,राहुल यादव यांसह प्रमुख सदस्य उपस्थित होते.
