वणी शहरात प्रथमच “भव्य धम्ममय शिव सकाळ – भीम सकाळ” या विशेष कार्यक्रमाचे आयोजन करण्यात आले आहे. यंग इंडिया ऑफ आंबेडकरराईट मूव्हमेंट, वणी यांच्या वतीने हा कार्यक्रम होत आहे.
या कार्यक्रमाचे औचित्य विविध महामानवांच्या जयंतीनिमित्त साधण्यात आले आहे, ज्यात सावित्रीबाई फुले (३ जानेवारी), फातिमा शेख (१ जानेवारी), राजमाता जिजाऊ (१२ जानेवारी), माता रमाई (७ फेब्रुवारी), संत रविदासजी महाराज (१२ फेब्रुवारी), छत्रपती शिवाजी महाराज (१९ फेब्रुवारी) आणि संत गाडगे महाराज (२३ फेब्रुवारी) यांचा समावेश आहे.
दि. १६ फेब्रुवारी रोजी सकाळी ६:०० वा. कल्याण मंडपम, डॉ. बाबासाहेब आंबेडकर चौक, वणी येथे कार्यक्रम सादर असून या संगीतमय कार्यक्रमात महाराष्ट्रातील आणि अन्य राज्यातील सादरकर्ते सहभागी असतील. कार्यक्रमात शिव-भीम गीते आणि कव्वाली सादर केली जाणार आहे. आयोजकांनी सर्व बंधू-भगिनी आणि युवा वर्गाला मोठ्या संख्येने उपस्थित राहून सहभाग घेण्याचे आवाहन केले आहे.
