भारतीय कोळसा खाण कामगार युनियन, वणी-ताडाळी यांनी 8 मार्च आंतरराष्ट्रीय महिला दिनानिमित्त उर्जग्राम ताडाळी येथे दि.10 मार्च रोजी, महिला संमेलनाचे आयोजन केले. कार्यक्रमाची सुरुवात दीपप्रज्वलन आणि संघटनेच्या गीताने झाली. प्रमुख पाहुण्यांमध्ये अखिल भारतीय खाण कामगार संघाच्या उपाध्यक्षा वर्षाताई पुडके, दामिनी महिला मंडळाच्या अध्यक्षा सुषमा सिंग, मोहिनी महिला मंडळाच्या तनुजा बिनेजकुमार यांचा समावेश होता.
डॉ. सोनिया जादाजी यांनी महिलांना सशक्त होण्यासाठी प्रेरित केले, तर वर्षाताई पुडके यांनी विविध क्षेत्रांत महिलांच्या सहभागाचे कौतुक केले. कार्यक्रमात प्रश्न-उत्तर स्पर्धा आणि नृत्य स्पर्धेचे आयोजन झाले. विजेत्यांना बक्षिसे देऊन सन्मानित करण्यात आले.
कार्यक्रमाच्या यशस्वी आयोजनात युनियनचे पदाधिकारी, कर्मचारी, महिला अधिकारी आणि कार्यकर्त्यांनी मोठे योगदान दिले. शेवटी सर्व सहभागींचे आभार मानून कार्यक्रमाचा समारोप करण्यात आला.
