वणी (प्रतिनिधी): वणी-मुकुटबन येथे कार्यरत RCCPL (M.P. Birla) या सिमेंट कंपनीतील कामगारांना योग्य वेतन मिळावे आणि प्रलंबित प्रश्नांचे निराकरण व्हावे, या मागण्यांसाठी कामगारांनी एकत्र येत आयटक संलग्न जनरल इंडस्ट्रीज कामगार युनियन स्थापन केली.
युनियन स्थापनेनंतर कामगारांमध्ये आत्मविश्वास निर्माण झाला असून नुकतेच कंपनी परिसरात युनियनच्या नामफलकाचे अनावरण करण्यात आले.
या कार्यक्रमास अध्यक्षस्थानी युनियनचे अध्यक्ष काॅ. अनिल हेपट उपस्थित होते. प्रमुख अतिथी म्हणून भाकपचे जिल्हासचिव काॅ. अनिल घाटे, तालुका सचिव काॅ. मोरेश्वर कुंटलवार, सहसचिव पांढुरंग ठावरी, कोषाध्यक्ष दिनेश शिटलवार तसेच सुधाकर कोंकमवार, गजानन पैसठवार, अथर्व निवडींग, अनिल भोयर, अरविंद बोरकर आदी मान्यवर उपस्थित होते.
नामफलकाचे अनावरण काॅ. अनिल हेपट यांच्या हस्ते करण्यात आले. त्यानंतर कार्यकर्त्यांनी लाल गुलाल उधळत घोषणांनी परिसर दणाणून सोडला.
कार्यक्रमाचे संचालन अक्षय पुल्लीवार यांनी केले तर आभार प्रदर्शन दिनेश शिटलवार यांनी केले.
कार्यक्रमाच्या यशस्वितेसाठी पंढरी नांदेकर, राजु वर्हाटे, प्रफुल बंद्रे, रोशन चामाटे, अक्षय पुल्लीवार, मोरेश्वर कुंटलवार, दिनेश शिटलवार, निरज खैरकर, सुमित नगराळे, महादेव मेश्राम, अनिल मोंडे, प्रभुदास चाफले, कलीम खान पठाण, देवराव आत्राम, राकेश काकरवार, भुमन्ना आरमुरवार, राहुल येनगुर्तिवार, आकाश पारातळे, कवडु केळझरकर, सौरभ भांदेकर यांनी अथक प्रयत्न केले.
या प्रसंगी शेकडो कामगारांची उपस्थिती लाभली.
