वणी – केंद्र सरकारने सादर केलेल्या आर्थिक बजेटमध्ये शिक्षण व विद्यार्थ्यांसाठी पुरेशी तरतूद न केल्याच्या निषेधार्थ ऑल इंडिया स्टुडंट फेडरेशन (AISF) ने देशव्यापी आंदोलनाच्या पार्श्वभूमीवर वणी येथे तीव्र विरोध दर्शवला. छत्रपती शिवाजी महाराज चौकात आंदोलन करून राष्ट्रपतींच्या नावे उपविभागीय अधिकाऱ्यांना निवेदन देण्यात आले.
या आंदोलनाचे नेतृत्व AISF जिल्हाप्रमुख अथर्व निवडींग यांनी केले, तर शरद अंड्रस्कर, कुणाल केमेकार, कार्तिक अंड्रस्कर, आर्यन चहानकर, भुषण पेटकर, सुरज काटकर, रुपेश ठमके, कपील बोबडे, राकेश काकडे यांच्यासह अनेक विद्यार्थी सहभागी झाले.
