वणी – शिरपुर पोलिसांनी ATM मधून पैसे चोरी करणाऱ्या दोन आरोपींना अटक केली आहे. चारगाव चौकी येथील हिताची कंपनीच्या ATM मध्ये हे दोघे प्लास्टिक पट्टीचा वापर करून पैसे काढण्याचा प्रयत्न करत होते. पोलिसांनी घटनास्थळी धाव घेत त्यांना रंगेहात पकडले. चौकशीत त्यांनी 22 फेब्रुवारी 2025 रोजीही 10,000 रुपये चोरी केल्याची कबुली दिली. पोलिसांनी CCTV फुटेजच्या आधारे याची पुष्टी करून गुन्हा नोंदवला आणि चोरीचे 10,000 रुपये जप्त केले.
अटक आरोपींची नावे सुशिल वसंत तोडेकर (36, बल्लारपूर, जि. चंद्रपूर) आणि नरेश रामदास घुगुल (33, बल्लारपूर, जि. चंद्रपूर) अशी आहेत. त्यांना न्यायालयीन कोठडीत पाठवण्यात आले आहे. ही कारवाई वरिष्ठ पोलीस अधिकाऱ्यांच्या मार्गदर्शनाखाली शिरपुर पोलिसांनी केली.
