घुगुस – दिनांक 12 मे 2025 रोजी तथागत भगवान गौतम बुद्ध यांच्या जयंतीनिमित्त घुग्घुस येथील छत्रपती शिवाजी महाराज चौक बसस्थानक परिसरात आईस्क्रीम वाटप कार्यक्रम उत्साहात पार पडला. हा उपक्रम यूथ सकैल घुगुस, भिम टायगर सेना, अष्टविनायक बहुउद्देशीय संस्था आणि मातोश्री वाचनालय यांच्या संयुक्त विद्यमाने आयोजित करण्यात आला होता.
कार्यक्रमाचे उद्घाटन घुग्घुस पोलिस निरीक्षक प्रकाश राऊत यांच्या हस्ते बुद्ध मूर्तीला पुष्पमाला अर्पण व दीपप्रज्वलन करून करण्यात आले. प्रारंभी सामूहिक बुद्ध वंदना घेण्यात आली.
या प्रसंगी अनेक मान्यवर, पोलिस संघ, पत्रकार, स्थानिक नागरिक व बौद्ध उपासक उपस्थित होते. प्रमुख उपस्थितांमध्ये प्रज्योती गोरधाटे, धीरज शेंडे, विधान कोल्हे, रितेश मोडक, सोनू घागरगुडे, अनुप कांबळे, अमित बोरकर, आणि अनेक कार्यकर्त्यांचा समावेश होता.
