वणी (प्रतिनिधी) – मुंबईतील लीलावती रुग्णालयात प्रकृती अस्वास्थ्यामुळे उपचार घेत असलेले यवतमाळ जिल्ह्यातील वणी विधानसभा मतदारसंघाचे माजी शिवसेना आमदार विश्वास नांदेकर यांची दि. १६ डिसेंबर रोजी शिवसेना मुख्य नेते व राज्याचे उपमुख्यमंत्री एकनाथजी शिंदे यांनी रुग्णालयात जाऊन भेट घेतली. नांदेकर यांच्यावर ६ वा मजला, रूम नं. ६४१ येथे उपचार सुरू आहेत.
यावेळी उपमुख्यमंत्री शिंदे यांनी नांदेकर यांच्या प्रकृतीची सविस्तर विचारपूस केली तसेच त्यांच्या उपचारांबाबत उपस्थित डॉक्टरांकडून माहिती घेतली. उपमुख्यमंत्री शिंदे यांच्या मार्गदर्शनाखाली योग्य उपचार सुरू असल्याबद्दल समाधान व्यक्त करण्यात आले.
याचवेळी वणी येथील सामाजिक कार्यकर्ते नारायण गोडे यांनीही रुग्णालयात जाऊन विश्वास नांदेकर यांची भेट घेतली व त्यांच्या प्रकृतीबाबत फोनद्वारे माहिती दिली.
या प्रसंगी नांदेकर यांचे कुटुंबीय तसेच त्यांच्यावर उपचार करणारे डॉक्टर उपस्थित होते.
