वणी – सुकनेगाव येथे मार्क्सवादी कम्युनिस्ट पक्षाच्या (माकप) शाखा अधिवेशनात नवीन कार्यकारिणीची निवड करण्यात आली. अधिवेशनास पक्षाचे जिल्हा सचिव ॲड. कुमार मोहरमपुरी व जिल्हा कमिटी सदस्य कवडू चांदेकर यांनी मार्गदर्शन केले. मागील तीन वर्षांचा अहवाल मंजूर करून महत्त्वपूर्ण ठरावांना मंजुरी देण्यात आली.
पुढील तीन वर्षांसाठी शाखा सचिव म्हणून सुभाष नांदेकर, सहसचिव म्हणून देवराव पुसाम, तसेच कार्यकारिणी सदस्य म्हणून अर्जुन शेडमाके, विजय तोडकर, कवडू कोराम, पुष्पा मेश्राम, पार्वता नांदेकर, कमल कोराते, सुनील कोरते, बेबी आवारी, विठ्ठल लडके व संतोष नांदेकर यांची एकमताने निवड झाली. या अधिवेशनाला गावातील अनेक पक्ष सभासद उपस्थित होते.
