वणी वन परिक्षेत्राच्या कार्यक्षेत्रात एका कुजलेल्या अवस्थेत सापडलेल्या वाघाच्या प्रकरणात चौघा आरोपींना अटक करण्यात आली आहे. या आरोपींवर वन्यजीव संरक्षण अधिनियमांतर्गत कारवाई करण्यात आली असून, त्यांना दि. १७जानेवारी रोजी, वणी न्यायालयात हजर केले गेले आहे.
•उकणी येथील प्रकरण..
एका पट्टेदार वाघाचा कुजलेल्या अवस्थेत मृतदेह आढळून आला होता. नखांसह दात होते बेपत्ता होते. ही खळबळजनक घटना मंगळवारी दि.७ जानेवारी रोज, सकाळी वेकोलीच्या उकणी कोळसा खाणीत उघडकीस आली होती. त्यानंतर वनविभागाच्या अधिकाऱ्यांनी आणि पशुवैद्यकीय पथकाने घटनास्थळ गाठून मृतदेहाची बारकाईने पाहणी केली. तेव्हा वाघाची नखे आणि दात बेपत्ता असल्याचे आढळून आले. त्यामुळे त्या वाघाचा नैसर्गिक मृत्यू नव्हे, तर ‘त्या’ वाघाची शिकारच करण्यात आली असल्याचा प्राथमिक अंदाज व्यक्त केले गेले होते.
वेकोलीच्या उकनी कोळसा खाणीतील माता मंदीर परिसरापुढे पट्टेदार वाघाचा मृतदेह आढळून आले होते.
वन विभागाने तपासादरम्यान या प्रकरणातील महत्त्वाचे पुरावे गोळा करून आरोपींना जाळ्यात अडकवले आहे. वाघाच्या मृत्यूमागील कारणांचा तपास सुरू असून, त्यामध्ये शिकारीचा संशय व्यक्त केला जात आहे. वन विभाग आरोपींवर कठोर कारवाईसाठी पुढील कायदेशीर प्रक्रिया राबवित आहे.
