वणी (प्रतिनिधी): वणी तालुक्यातील बोरगांव–मेढोली येथील जिल्हा परिषद शाळेत दिनांक २६ जानेवारी २०२६ रोजी प्रजासत्ताक दिन विविध कार्यक्रमांनी उत्साहात साजरा करण्यात आला.
प्रजासत्ताक दिनानिमित्त शाळेच्या वतीने प्रभातफेरीचे आयोजन करण्यात आले. यावेळी हनुमान मंदिर येथे पोलीस पाटील प्रदीप बलकी, ग्रामपंचायत कार्यालयात सरपंच प्रियांकाताई कोल्हे तसेच जिल्हा परिषद शाळेत शाळा व्यवस्थापन समितीचे अध्यक्ष रामचंद्र देरकर यांच्या हस्ते ध्वजारोहण करण्यात आले.
दुपारच्या सत्रात गावातील महिलांसाठी मैदानी मनोरंजनात्मक खेळांचे आयोजन करण्यात आले. संध्याकाळी ६ वाजता सांस्कृतिक कार्यक्रमास सुरुवात झाली. विद्यार्थ्यांनी सादर केलेल्या विविध कला प्रकारांनी उपस्थित प्रेक्षकांची मने जिंकली.
या कार्यक्रमाच्या यशस्वी आयोजनासाठी सरपंच प्रियांकाताई कोल्हे, उपसरपंच पद्माकर देरकर, ग्रामपंचायत सदस्य, शाळा व्यवस्थापन समिती, शिक्षकवृंद, युवा मित्र मंडळ, महिला बचत गट तसेच समस्त ग्रामस्थांनी मोलाचे सहकार्य केले.
कार्यक्रमाचे नियोजन मुख्याध्यापक के.डी. उईके यांनी केले. सूत्रसंचालन बी.एच. जुनघरे यांनी तर आभार प्रदर्शन सहायक शिक्षक घागी यांनी मानले.
शेवटी स्नेहभोजनाने कार्यक्रमाची सांगता झाली.
