वणी : वैशाख बुध्दपौर्णिमा जयंतीनिमित्त वणी तालुक्यातील चंडकापुर गावात दि. १२ एप्रिल २०२५ रोजी दु.१ वाजता “तथागत गौतम बुद्ध” यांच्या मूर्तीची प्रतिष्ठापना करण्यात आली. ही प्रतिष्ठापना भंते बुद्धदिप व श्रामणेर संघ यांच्या हस्ते, तसेच भारतीय बौद्ध महासभा वणी तालुका शाखेच्या पदाधिकाऱ्यांच्या उपस्थितीत संपन्न झाली.
या धार्मिक आणि सांस्कृतिक कार्यक्रमाला गावातील बौद्ध उपासक-उपासिका, समता सैनिक दल, शिरपूर पोलीस ठाण्याचे पोलीस कर्मचारी, आशा सेविका तसेच नागरिक मोठ्या संख्येने उपस्थित होते. कार्यक्रम शांततामय आणि धम्ममय वातावरणात पार पडला.
गावाच्या सामाजिक आणि आध्यात्मिक विकासात अशा उपक्रमांचा मोलाचा वाटा असून, ग्रामस्थांनी याचे स्वागत करत संयोजकांचे आभार मानले.
