वणी (प्रतिनिधी): वणी नगरपरिषद निवडणुकीत आज प्रचाराचा शेवटचा दिवस असून शिवसेना (शिंदे गट) चे प्रभाग क्रमांक ५ मधील महिला गटाच्या उमेदवार गीता पडोळे आणि SC पुरुष गटातील अधिकृत उमेदवार संदीप खोब्रागडे यांच्या वतीने १ नोव्हेंबर रोजी सायंकाळी ४ वाजता भव्य प्रचार रॅलीचे आयोजन करण्यात आले.
या रॅलीला प्रभागातील मतदारांचा उत्स्फूर्त प्रतिसाद मिळाला. विशेषतः तेली फैल, सिंधी कॉलनी आणि भीमनगर या भागांत संदीप खोब्रागडे हे पुरुष गटातील मतदारांच्या पहिल्या पसंतीचे उमेदवार म्हणून पुढे येत असल्याचे संकेत मिळत आहेत. त्यामुळे या प्रभागात भाजपा आणि शिवसेना (शिंदे गट) यांच्यात काट्याची टक्कर होणार, अशी चर्चा रंगू लागली आहे.
प्रभागभर धनुष्यबाण चिन्हाकडे वाढते लक्ष व आकर्षण दिसून येत असून उमेदवारांविषयी सकारात्मक वातावरण निर्माण झाले आहे.
उद्या, दि. २ डिसेंबर रोजी सकाळी ७ वाजता मतदानाला सुरुवात होणार आहे.
