वणी (प्रतिनिधी): वणी नगर परिषदेच्या आगामी निवडणुकीच्या पार्श्वभूमीवर प्रभाग क्रमांक ६ मध्ये संभाव्य उमेदवारांबाबत स्थानिक स्तरावर चर्चा रंगू लागली आहे. हा प्रभाग अनुसूचित जाती (SC) महिला आरक्षित असून, या आरक्षित गटातून माजी नगराध्यक्षा करुणा रवींद्र कांबळे (रा. वासेकर लेआउट) आणि धम्माताई हरीश पाते यांची नावे नागरिकांमध्ये चर्चेत असल्याची माहिती मिळते.
दरम्यान, प्रभाग ६ च्या सर्वसाधारण महिला-पुरुष गटातूनही काही नावांची अनौपचारिक चर्चा सुरू आहे. त्यामध्ये माजी नगरसेवक प्रमोद लोणारे (रा. नगर वाचनालय मागे) आणि सामाजिक कार्यकर्ते रज्जत सातपुते (रा. सम्राट अशोक नगर) यांचा समावेश असल्याचे स्थानिक सूत्रांनी सांगितले. याशिवाय इतर काही महिला-पुरुषांची नावेही चर्चेत आहेत; मात्र कोणत्याही नावाची अधिकृत घोषणा अद्याप झालेली नाही.
२ डिसेंबर रोजी मतदान होणार असल्याने प्रभागात उमेदवारांच्या घोषणांपूर्वीच राजकीय हालचालींना वेग आला आहे. नागरिकांचा प्रतिसाद आणि उमेदवारांच्या संभाव्य यादीविषयीची उत्सुकता यामुळे स्थानिक राजकीय वातावरण अधिक रंगतदार झाले आहे.
दरम्यान, आचारसंहिता भंग होऊ नये यासाठी शहरातील विविध सामाजिक संघटनांकडून आवाहने केली जात आहेत. तसेच, आगामी निवडणुकीसाठी विविध राजकीय पक्षांकडून रणनीती आखण्याच्या हालचाली सुरू असल्याचेदेखील दिसून येत आहे.
