वणी (प्रतिनिधी) – वणी नगर परिषद निवडणुकीत प्रभाग क्रमांक ५ हा सर्वसाधारण महिला आरक्षित असल्याने संभाव्य उमेदवारांविषयी उत्सुकता वाढली आहे. तेली फैल, दामले नगर, सिंधी कॉलनी, भीमनगर आदी परिसरांचा समावेश असलेल्या या प्रभागात आता दोन उमेदवारांची अधिकृत घोषणा झाली आहे.
प्रभागातून सोनाली प्रशांत निमकर व गीता सचिन पडोळे यांच्या उमेदवारीची अधिकृत घोषणा झालेली आहे. तसेच माजी नगरसेविका अर्चना सुभाष ताजणे या संभाव्य उमेदवार म्हणून चर्चेत आहेत. त्यांच्याकडून अथवा पक्षाकडून मात्र अद्याप अधिकृत घोषणा झालेली नाही.
स्थानिक पातळीवरील चर्चेनुसार या प्रभागात तिहेरी लढतीची शक्यता व्यक्त केली जात आहे.
