वणी (प्रतिनिधी): मराठी भाषा विभाग, महाराष्ट्र शासन व महाराष्ट्र राज्य साहित्य आणि संस्कृती मंडळ, मुंबई यांच्या सहकार्याने शासन अनुदानित कला गौरव संस्था, नागपूर व अक्षरक्रांती फाऊंडेशन यांच्या संयुक्त विद्यमाने, तसेच राम गणेश गडकरी प्रतिष्ठानच्या प्रायोजकत्वाखाली दुसरे अक्षर साहित्य संमेलन २०२५ चे आयोजन करण्यात आले आहे. हे दोन दिवसीय साहित्य संमेलन शनिवार, २७ व रविवार, २८ डिसेंबर २०२५ रोजी राम गणेश गडकरी विचारपीठ परिसरातील महात्मा फुले शिक्षण संस्था सभागृह, नागपूर येथे होणार आहे. संमेलनात नामवंत साहित्यिक, कवी व विचारवंत विविध साहित्यिक विषयांवर आपले विचार मांडणार असून परिसंवाद, कविता संमेलने व सन्मान समारंभांचे आयोजन करण्यात आले आहे. साहित्यप्रेमी नागरिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
