वणी (प्रतिनिधी): आज दि. १५ ऑक्टोबर रोजी वणी-भालर रोडवरील एका निलजर कंपनीच्या जागेत पाण्यात एका तरुणाचा मृतदेह आढळल्याने शहरात एकच खळबळ उडाली. ही माहिती पसरताच मोठ्या संख्येने नागरिकांनी घटनास्थळी गर्दी केली.
वणी पोलिसांनी तत्काळ घटनास्थळी धाव घेत मृतदेह बाहेर काढला. मृतदेह दोरीने हात बांधून नग्न अवस्थेत आढळला असून त्याची ओळख मनोज वानखेडे (वय ३७, रा. वाघदरा) अशी करण्यात आली आहे.
पोलिसांनी पंचनामा करून मृतदेह वणी ग्रामीण रुग्णालयात पाठविण्याची प्रक्रिया सुरू केली आहे. हत्या, करण्यात आली अशी चर्चा घटनास्थळी व दीपक चैपाटी परिसरात नागरिकांत सुरु असुन
दिवाळीच्या पार्श्वभूमीवर घडलेल्या या घटनेमुळे परिसरात चिंतेचे वातावरण निर्माण झाले आहे. वाढत्या गुन्हेगारीच्या घटनांमुळे नागरिकांमध्ये अस्वस्थता पसरली असून, वणी पोलिसांनी तपास सुरू केला आहे.
