▪️अनुचित पद्धतीने लक्ष वेधणाऱ्या तरुणांवर कठोर कारवाईची गरज..
वणी (प्रतिनिधी) – वणी शहरात गेल्या काही दिवसांपासून काही तरुण मुलांकडून मुलींसारखी वेशभूषा, मेकअप करून लक्ष वेधून घेण्याचे प्रकार वाढताना दिसत आहेत. लांब केस, चेहऱ्यावर मेकअप करून टवळेपणा व चिंचोरे वर्तन करीत असल्याचे नागरिकांकडून सांगितले जात आहे.
क्लासेसला जाणाऱ्या मुलींचे लक्ष वेधण्यासाठी हे तरुण त्यांच्या मार्गावर जाऊन पोज देणे, मैत्रीसाठी विनाकारण प्रयत्न करणे असे गैरप्रकार करत असल्याची चर्चा शहरात सुरू आहे. अशा वर्तनामुळे मुली आणि महिलांमध्ये असुरक्षिततेची भावना निर्माण होत असून पालक वर्गातही नाराजी पसरली आहे.
यातील काही तरुणांची ओळख पटवणेही कठीण असल्याने, भविष्यात कोणतीही गंभीर घटना टाळण्यासाठी पोलिस प्रशासनाने अशा टवाळखोर व बहुरूप्यांवर कठोर कारवाई करणे गरजेचे असल्याचे नागरिकांचे मत व्यक्त होत आहे. महिलांचा अपमान करणारे आणि समाजात चुकीचा संदेश देणारे असे प्रकार तातडीने रोखण्यात यावे, अशी मागणी जोर धरत आहे.
