वरोरा – चिकणी नजीक शेगांव (खुर्द) ता. वरोरा येथे आज दि. १ फेब्रुवारी २०२५ ला येथील सालेकर परिवाराकडून त्यांच्या वडिलाचे मरणोत्तर संस्कार कार्यक्रमाअंतर्गत अस्थीविसर्जनाचा शिवअस्थीविसर्जन संस्कार कार्यक्रम शेतामध्ये वृक्षारोपण करून करण्यात आला याप्रसंगी स्वतः जेष्ठ मुलगा रामचंद्र सालेकर यांनी जिजाऊ वंदनेने जिजाऊ पूजन करून शिवधर्म गाथेतील मरणोत्तर क्रिया संस्कार अध्यायाचे वाचन केले.
उपस्थित असलेल्या प्रत्येक कुटुंबातील सदस्यांनी आंबा,फणस,पेरू आदी फळ झाडांची अस्थीरक्षेचे खड्यात विसर्जन करून लागवड केली वडिलांच्या स्मरणार्थ या फळ झाडांची जोपासना करण्याचा संकल्प करून कसलेही पारंपारिक कर्मकांड तथा जलप्रदूषण न करता साध्या पद्धतीने कार्यक्रमांची सांगता केली.
