वणी : शहरातील सम्राट अशोक नगर येथील सिद्धार्थ लोहकरे यांच्या घरून २२ एप्रिल रोजी सकाळी १० ते २३ एप्रिल सकाळी ५ वाजेच्या दरम्यान अज्ञात व्यक्तीने सायकल चोरी केली. त्यांनी २३ एप्रिल रोजी दिवसभर शहरात सायकलचा शोध घेतला, मात्र ती कुठेही सापडली नाही.
सायंकाळी ७:३० वाजता त्यांनी वणी पोलीस स्टेशनमध्ये जाऊन तक्रार दाखल करण्याचा प्रयत्न केला. तेथे त्यांना स्टेशन डायरीमध्ये नोंद करण्याऐवजी पोलिस शिपायांना भेटण्यास सांगण्यात आले. संबंधित शिपायाने त्यांना एका संशयिताच्या घरी पाठवले. सिद्धार्थ लोहकरे जबाबदार व्यक्तीला घेऊन त्या ठिकाणी (पुकटवाडी) गेले, पण सायकल मिळाली नाही. हे पोलिसांना सांगितल्यावर त्यांनीही पुढील काही कारवाई केली नाही.
शहरातील सीसीटीव्ही कॅमेरे असतानाही अद्याप पोलिसांनी चौकशी केली नाही.
या घटनेवरून पोलीस जबाबदारीने वागतात का, असा प्रश्न निर्माण झाला आहे. तक्रार केवळ डायरीमध्ये नोंदवली असून, ऑनलाईन तक्रार दाखल झालेली नाही. त्यामुळे सिद्धार्थ लोहकरे यांनी संबंधित पोलीस अधिकाऱ्यांनी याकडे गांभीर्याने लक्ष द्यावे, अशी मागणी केली आहे.
