यवतमाळ – यवतमाळ जिल्हा स्थानिक गुन्हे शाखेने एक मोठी कारवाई करत कुख्यात लॉरेन्स बिश्नोई गँगचा मोस्ट वॉन्टेड गुन्हेगार भुपेंद्र सिंग उर्फ रघु उर्फ भिंडा याला अटक केली आहे. आरोपी भुपेंद्र सिंग याच्यावर राजस्थान पोलीसांकडून २५,००० रुपये बक्षीस जाहीर करण्यात आले होते.
स्थानिक गुन्हे शाखेने मिळालेल्या गोपनीय माहितीच्या आधारे ही कारवाई पार पाडली. अटक केलेल्या आरोपीच्या घरातून एक पिस्तूल जप्त करण्यात आली. आरोपीला पुढील कायदेशीर कार्यवाहीसाठी संबंधित पोलिसांच्या ताब्यात देण्यात आले आहे.
या कारवाईमुळे लॉरेन्स बिश्नोई व अन्य गँगच्या गुन्हेगारी जाळ्याला मोठा धक्का बसला असून, यवतमाळ पोलिसांच्या या यशस्वी ऑपरेशनचे सर्वत्र कौतुक होत आहे. ही माहिती यवतमाळ पोलिसांच्या सोशल मीडियातून मिळाली.
