वणी (प्रतिनिधी): डॉ. संचिता विजय नगराळे यांच्या वाढदिवसानिमित्त द ग्रेट पिपल्स ग्रुप व समाज बांधवांच्या वतीने केक कापून, पुष्पगुच्छ तसेच “तथागत” महामानवांवरील पुस्तके भेट देत वाढदिवसाच्या शुभेच्छा देण्यात आल्या. हा स्नेहपूर्ण कार्यक्रम उत्साहात साजरा करण्यात आला.
सामाजिक कार्यकर्ते व युवा तरुण हे विजय नगराळे यांच्या संपर्कात अनेक वर्षांपासून असून, सामाजिक कार्यात सक्रिय सहभाग घेत नगराळे कुटुंबास सातत्याने सहकार्य करत आहेत. डॉ. संचिता नगराळे यांच्या वाढदिवसानिमित्त दि. १७ डिसेंबर रोजी नगराळे यांच्या निवासस्थानी असलेल्या कार्यालयात हा कार्यक्रम पार पडला. तसेच दिवसभर विविध पक्षांचे प्रतिनिधी व सामाजिक संघटनांनीही भेट देऊन शुभेच्छा दिल्या.
या प्रसंगी सामाजिक कार्यकर्ते दिनेश रायपुरे, शुभम कडू, प्रीतम बागडे, आशिष बागडे यांच्यासह अनेक युवा तरुण समाज बांधव उपस्थित होते. कार्यक्रम सौहार्दपूर्ण व प्रेरणादायी वातावरणात संपन्न झाला.
