वणी (प्रतिनिधी): क्रांतिसूर्य महात्मा ज्योतिबा फुले यांच्या जयंतीनिमित्त ११ एप्रिल २०२६ रोजी माळी समाज बहुउद्देशीय संस्था, वणी यांच्या वतीने सामाजिक कार्यकर्ते, आरोग्य व अंगणवाडी सेविका तसेच स्पर्धा परीक्षेत यशस्वी झालेल्या गुणवंतांचा सत्कार सोहळा आयोजित करण्यात आला.
कार्यक्रमाचे उद्घाटन माजी आमदार संजीव रेड्डी बोदकुवार यांच्या हस्ते पार पडले. यावेळी माजी नगराध्यक्ष सुरेश रायपुरे व सामाजिक कार्यकर्ते रवींद्र कांबळे यांचा विशेष सत्कार करण्यात आला.
कार्यक्रमाच्या अध्यक्षस्थानी भवानी मांदाळे तर स्वागताध्यक्ष म्हणून डॉ. विनोदकुमार आदे उपस्थित होते. तसेच वणी नगरपरिषद उपनगराध्यक्ष राकेश बुग्गेवार यांची प्रमुख उपस्थिती होती. विविध मान्यवरांच्या उपस्थितीत कार्यक्रम उत्साहात पार पडला.
