वणी (प्रतिनिधी) : वणी नगरपालिकेने नुकतीच नवीन मालमत्ता कर आकारणी लागू केली आहे. मात्र ही करवाढ मागील कराच्या दुप्पट ते चौपट इतकी असून, कोणताही ठराव न घेता पुढील चार वर्षांसाठी लादण्यात आल्याने नागरिकांवर मोठा आर्थिक भार पडणार आहे.
या अन्यायकारक करवाढीचा निषेध करण्यासाठी व तिची तत्काळ रद्दबातल करण्याची मागणी करण्यासाठी काँग्रेसतर्फे सोमवार, दि. 22 सप्टेंबर रोजी दुपारी 12 वाजता वणी नगरपालिकेला निवेदन देण्यात येणार आहे.
या प्रसंगी काँग्रेसचे सर्व पदाधिकारी, कार्यकर्ते, विविध सेलचे सदस्य व काँग्रेस समर्थकांनी मोठ्या संख्येने उपस्थित राहून नागरीकांवरील अन्यायाविरोधात आपला आवाज बुलंद करावा, असे आवाहन काँग्रेस नेते संजय खाडे यांचे तर्फे करण्यात आले आहे.
