🛑 यवतमाळ एलसीबीची धडाकेबाज कारवाई – १२ लाखांचा शस्त्रसाठा जप्त, आंतरराज्यीय तस्करीचा उलगडा होण्याची शक्यता 🛑

यवतमाळ (प्रतिनिधी):
जिल्ह्यातील गुन्हेगारीवर प्रभावी नियंत्रण ठेवण्याच्या उद्देशाने यवतमाळ पोलिसांच्या स्थानिक गुन्हे शाखेने (एलसीबी) मोठी कारवाई केली आहे. दोन वेगवेगळ्या ठिकाणी छापा टाकून एकूण १२ लाख रुपयांचा शस्त्रसाठा जप्त करण्यात आला आहे.

या कारवाईत ६ अग्निशस्त्र, ३५० जिवंत काडतूस, एक तलवार, बुलेटप्रूफ जॅकेट तसेच पंप अ‍ॅक्शन गन यांचा समावेश आहे.
ही कारवाई पोलीस अधीक्षक कुमार चिंता यांच्या मार्गदर्शनात पार पडली.

अटक करण्यात आलेले संशयित:

• रणवीर वर्मा (वय ३०, रा. दर्डा नगर, यवतमाळ)
• मोहम्मद अशफर उर्फ भाया (वय ३५, रा. तेलीपुरा, यवतमाळ)

शस्त्र जप्तीच्या या कारवाईमुळे आंतरराज्यीय शस्त्र तस्करी नेटवर्क सक्रिय असल्याचा प्राथमिक अंदाज व्यक्त करण्यात येत आहे. यवतमाळ पोलिसांकडून सखोल तपास सुरू असून, आणखी आरोपींचा शोध घेण्याचे काम युद्धपातळीवर सुरू आहे.