वणी (प्रतिनिधी) – वणी शहरातील दिपक चौपाटी परिसरातून रात्री ८:३० वाजता मारुती अर्जुन भानारकर (वय ६२, रा. भोईपुरा, वणी) यांची किंमत ७० हजार रुपये असलेली मोटरसायकल (क्रमांक MH-29 CC-1367) अज्ञात चोरट्याने चोरून नेल्याची तक्रार वणी पोलीस ठाण्यात दाखल झाली होती.
त्यानंतर पोलीसांनी सीसीटीव्ही फुटेजच्या मदतीने तपास सुरू केला असता एक संशयित इसम चोरी गेलेली मोटरसायकल घेऊन जाताना दिसला. त्याची विचारपूस केली असता त्याने आपले नाव चंद्रकांत उर्फ शेखर शंकर कुटारकार (वय २५, रा. गव्हा (कोल्ही), ता. समुद्रपूर, जि. वर्धा) असे सांगितले. आरोपीने मोटरसायकल पाच हजार रुपयांत गहाण ठेवल्याचेही कबूल केले.
तांत्रिक तपासानंतर पोलिसांनी आरोपीला शिताफीने ताब्यात घेतले व चोरी केलेली मोटरसायकल (MH-29 CC-1367) जप्त केली. चौकशीत आरोपीने नागपूर जिल्ह्यातील बुट्टीबोरी येथून आणखी एक मोटरसायकल (MH-35 Z-4194) चोरी केल्याची कबुली दिली.
एकूण जप्त मुद्देमाल:
- वणी येथील मोटरसायकल – किंमत ₹70,000
- बुट्टीबोरी येथील मोटरसायकल – किंमत ₹40,000
एकूण किंमत: ₹1,10,000
सदर कारवाई उपविभागीय पोलीस अधिकारी गणेश किंन्द्रे यांच्या मार्गदर्शनाखाली ठाणेदार गोपाल उंबरकर व डिबी पथकातील पो.उप.नि. धिरज गुल्हाने, मोहम्मद वसिम, मोनेश्वर खंडरे, गणेश मेश्राम, नंदकुमार पुप्पलवार, गजानन कुळमेथे (वणी पोलीस) यांनी केली.
